يعني إيه فودافون كاش
فودافون كاش هي محفظة الكترونية تقدر تستخدمها على موبايلك وتقدر تودع وتسحب فلوس من أي فرع من فروع فودافون أو ماكينة ATM وتقدر تشحن رصيد موبايلك وأي رقم فودافون أخر وتدفع فواتير موبايلك وتدفع فواتير الكهرباء والمياه والغاز وكمان تقدر وتشتري أون لاين وتقدر تعمل إيداع من أي بطاقة بنكية فيزا أو ماستركارد وأنت في مكانك.
ازاي اشترك في فودافون كاش
علشان تقدر تعمل محفظة فودافون كاش زور أقرب فرع من فروع فودافون ومعاك الخط اللي هتعمل عليه محفظة فودافون كاش وبطاقتك الشخصية وإنشاء المحفظة مجاناً لأول مرة ، وبعد إنشاء المحفظة اطلب *9*5# مجاناً علشان تعمل رقم سري للمحفظة ومكون من 6 أرقام فقط ، صلاحية الخدمة مدى الحياة ، كما يمكنك إيقافها في أي وقت من خلال زيارة أقرب فرع من فروع فودافون.
ازاى اشترك فى فودافون كاش من البيت
تقدر تشترك في خدمة فودافون كاش من البيت وانت في مكانك ، كل اللى عليك يكون الخط مسجل برقم القومي واطلب *9# من موبايلك وادخل رقمك القومي ثم ادخل كلمة مرور مكونة من 6 أرقام
ملحوظة : صلاحية محفظة فودافون كاش اللى عملتها من البيت 3 شهور فقط ولو عايز تخليها مدى الحياه زرو أقرب فرع فودافون ليك علشان تسجل باقي البيانات
مميزات فودافون كاش
- تقدر تودع وتسحب فلوس من أي فرع من فروع فودافون أو ماكينة ATM مثل البنك الأهلى وبنك القاهرة وبنك مصر وبنك الإسكندرية وبنك عودة وبنك CIB و من خدمة فوري وخدمة أمان
- تقدر تحول وتستقبل فلوس من أي محفظة الكترونية تانية في مصر.
- تقدر تشحن رصيد لموبايلك وأي رقم فودافون تاني.
- تقدرتجدد باقتك وتدفع فاتورتك.
- تقدر تدفع فواتير الكهرباء والمياه والغاز والانترنت والجامعات والمدارس والنوادي وغيرها كتير
- تقدر تشتري وتدفع أون لاين من أي موقع عالمي عن طريق استخراج بطاقة ماستركارد وبيصلك بيانات الكارت في رسالة وصلاحية الكارت 24 ساعة فقط من استخراجه ويستخدم لمرة واحدة وفي حالة وجود رصيد متبقى بيرجعلك تاني على محفظتك.
- تقدر تتبرع للمؤسسات الخيرية وانت في مكانك.
مصاريف السحب والإيداع من محفظة فودافون كاش
مفيش أي مصاريف هيتم خصمها منك عند إيداع مبلغ في حسابك أما في حالة السحب هيتم خصم 1% بحد أدنى 3 جنيه من رصيدك المتبقى في المحفظة.
طريقة ايداع فودافون كاش من ATM
تقدر تعمل إيداع في حسابك على فودافون كاش من خلال ماكينة ATM
- زور أقرب ماكينة ATM متاح فيها الإيداع
- اختر خدمات بدون بطاقة من على شاشة ATM
- اختر ايداع
- ادخل رقم الموبايل
- ادخل الرقم السري الخاص بحسابك
- ادخل الفلوس في المكان المخصص لها في ماكينة ATM
طريقة سحب فودافون كاش من ATM
تقدر تسحب فلوس من حسابك على فودافون كاش من خلال ماكينة ATM
- زور أقرب ماكينة ATM
- اطلب من موبايلك *9*22#
- ادخل المبلغ اللى عايز تسحبه
- ادخل رقمك السري الخاص بحسابك في فودافون كاش
- انتظر لحظات وهتصلك رسالة فيها رقم سري مؤقت واللى هتستخدمه عند السحب من ماكينة ATM
- اختر خدمات بدون بطاقة من على شاشة ATM
- اختر سحب
- ادخل رقم الموبايل
- ادخل المبلغ اللى عايز تسحبه ويكون مطابق للرقم اللى كتبته في أول مرة
- ادخل الرقم السري المؤقت اللى وصلك في رسالة
- انتظر لحظات وسيتم استخراج الفلوس من ماكينة ATM
رسوم السحب من ماكينات ATM
هيتم خصم نسبة 1% من قيمة المبلغ اللى هيتم سحبه ، يعني لو معاك رصيد مثلا 2000 جنيه في محفظتك وطلبت سحب 1000 جنيه هيتم سحب 1000 جنيه وهيتم خصم نسبة 1% للمبلغ اللى تم سحبه من المبلغ المتبقى على محفظتك
ازاي استخدم فودافون كاش
تقدر تستخدم جميع خدمات فودافون كاش من خلال تطبيق أنا فودافون بشرط تكون فاتح بيانات الهاتف علشان تقدر تستخدم الخدمة من التطبيق.
اكواد فودافون كاش المختصرة
| الخدمة | الكود |
|---|
| القائمة الرئيسية لخدمات فودافون كاش | *9# |
| إنشاء رقم سري لأول مرة | *9*5# |
| لتغيير رقمك السري | *9*2# |
| لإعادة إنشاء رقمك السري | *9*12# |
| لمعرفة أقرب فرع فودافون ليك أو لمعرفة أقرب ماكينات ATM فيها السحب والإيداع | *9*9# |
| للسحب من ماكينة ATM | *9*22# |
| تحويل فلوس | *9*7# |
| لدفع الفواتير | *9*105# |
| لاستخراج كارت والشراء أون لاين | *9*100# |
| للتبرع للمؤسسات الخيرية | *9*104# |
| لشحن رصيد فودافون لموبايلك أو أي رقم فودافون أخر | *9*10# |
| تجديد باقات فليكس وباقات الانترنت | *9*28# |
| لشحن كارت فكة فئة 2 جنيه | *9*200# |
| لشحن كارت فكة فئة 4 جنيه | *9*400# |
| لشحن كارت فكة فئة 6 جنيه | *9*600# |
| لشحن كارت فكة فئة 8 جنيه | *9*800# |
| لدفع فاتورة فودافون | *9*4*الرقم*المبلغ# |
| للاستعلام عن الرصيد | *9*13# |
| كود تأكيد السحب من فوري | *900*1# |
| كود تأكيد الإيداع من فوري | *900*2# |
| كود استلام هدية فودافون كاش | *9*310# |
| كود معرفة المتبقى من هدية فودافون كاش | *9*320# |
طريقة السحب والإيداع من فوري
طريقة ايداع فودافون كاش من فوري
زور أقرب محل عنده ماكينة فوري وقوله عايز اعمل ايداع فودافون كاش هيطلب منك رقم موبايلك والمبلغ اللى عايز تعمله ايداع ثم يطلب منك تأكيد الإيداع خلال 30 ثانية فقط ولتأكيد الإيداع اطلب من موبايلك *900*2# وبعدها ادخل رقمك السري الخاص بمحفظة فودافون كاش ثم تصلك رسالة بنجاح عملية الإيداع والمبلغ اللى تم ايداعه
طريقة سحب فودافون كاش من فوري
زور أقرب محل عنده ماكينة فوري متاح عنده السحب وقوله عايز اسحب مبلغ من فودافون كاش هيطلب منك رقم موبايلك وهيسألك عايز تسحب كام ثم يطلب منك تأكيد السحب خلال 30 ثانية فقط ولتأكيد السحب اطلب من موبايلك *900*1# وبعدها ادخل رقمك السري الخاص بمحفظة فودافون كاش ثم تصلك رسالة بنجاح عملية السحب ثم استلم الفلوس من صاحب المحل
رسوم السحب من فوري
يتم خصم رسوم السحب من فودافون كاش بنسبة 1% بحد أدنى 3 جنيه إذا كان المبلغ الذي تم سحبه أٌقل من 150 جنيه ، أما إذا كان المبلغ أكبر من 150 جنيه سيتم خصم رسوم السحب 1% فقط
إيداع فودافون كاش بالكارت
دلوقتي تقدر تعمل إيداع في حسابك على فودافون كاش بأي كارت بنكي أو مدفوع مسبقاً سواء فيزا أو ماستر كارد
- افتح داتا من فودافون
- افتح تطبيق أنا فودافون
- اختر ايداع بالكارت أو من القائمة اختر فودافون كاش ثم ايداع بالكارت
- ادخل البيانات المطلوبة والمبلغ اللى عايز تعمله ايداع
- اضغط استمرار أو تأكيد
- قد يصلك رمز OTP على رقم موبايلك المربوط بالبطاقة البنكية أو البطاقة المسبقة الدفع
- ادخل الرمز واضغط تأكيد وسيتم ايداع المبلغ في حسابك فوراً
- لمعرفة رصيد اطلب *9*13# أو من خلال تطبيق أنا فودافون
الحد الأقصى للمعاملات في فودافون كاش
- الحد الأقصى لايداع فودافون كاش بالكارت 2000 جنيه للعملية الواحدة
- الحد الأقصى للمعاملات اليومية - فودافون كاش 30.000 جنيه
- الحد الأقصى للمعاملات الشهرية - فودافون كاش 100.000 جنيه